25 yanvar 2011-ci il tarixində “BƏM”-də Tədbir keçirildi

25 yanvar 2011-cu il tarixində Bakı Əyləncə Mərkəzində Türkiyə Cumhuriyyətinin “Modern Anadolu Eğitim ve Turizm Hizmetleri Sanayi, Ticaret Limited” Şirkətinin Azərbaycan Respublikasındakı Nümayəndəliyin təşkilatı dəstəyi ilə   Anadolu Universitetinin Azərbaycan proqramları üzrə yeni tədris ilinin başlanması və tələbə  biletlərinin verilməsi münasibətilə təntənəli tədbir keçirilmişdir. Tədbirdə Türkiyə Cumhuriyyətinin Azərbaycan Respublikasındakı Fövqəladə və Səlahiyyətli Səfiri cənab Hulusi Kılıç, Elçi müştəşarı cənab N.Kaya Baqqalbaşı , 3-cü katib xanım Bahar  Doğan , Ticaret baş müşaviri cənab Qazi Bilgin, Eğitim müşaviri cənab Halis Koyuncuoğlu , Çalışma və Sosyal Güvenlik müşaviri cənab Mustafa Gür, Emniyyet müşaviri cənab İsmayıl Çalışkan, Planlama müşaviri cənab Ferruh Tığlı, Səfirin  köməkçisi xanım  Günay Cəfərova, Anadolu Universitetinin Beynəlxalq məsələlər üzrə rektor yardımcısı Prof. Dr. Hasan Mandal, Anadolu Universitetinin İktisad  fakultəsinin  Dekanı Prof. Dr Rıdvan Karluku, Anadolu Universitetinin İşlətmə fakultəsinin  Dekanı Prof. Dr. Necdət Timur, Azərbaycan Türkiyə İş Adamları Birliyi İdarə heyətinin sədri xanım Fatimə Aslan, Azərbaycan Türkiyə İş Adamları Birliyi  İdarə heyəti sədrinin 1-ci yardımcısı cənab Cemal Yangın, bir qrup valideynlər və  1-ci kurs tələbələri iştirak edirdilər. Tədbirin rəsmi hissəsi Azərbaycan Respublikası və Türkiyə Cumhuriyyətinin dövlət himnlərinin səslənməsilə başlandı. Sonra Anadolu Universitetinin Azərbaycanda distant təhsil layihəsinin,  Türkiyə Cumhuriyyətinin Azərbaycan  Respublikasındakı Fövqəladə və Səlahiyyətli Səfiri, cənab Hülusi Kılıçın  dəstəyi ilə uğurla həyata keçirildiyi bildirilərək . Anadolu Universitetinin qısa  tanıtım çarxı və Anadolu Universitetinin rektoru  Prof. Dr. Davut Aydının Universitetin  Azərbaycandakı tələbələrinə müraciəti nümayiş olundu. (Rektor Prof.Dr . Davut Aydın öz müraciətində  yeni tədris ilinin başlanması  münasibətilə tələbələri təbrik etdi və müraciətini “bizdən dəstək,sizdən oxumaq”  sözlərilə bildirdi) 

Çıxışlar: 1. Anadolu Universitetinin Beynəlxalq məsələlər üzrə rektor yardımcısı   Prof. Dr. Hasan Mandal  öz çıxışında Anadolu universiteti haqqında ətraflı məlumat verərək, Universitet rəhbərliyi tərəfindən Azərbaycan proqramlarına xüsusi önəm verildiyini bildirdi. Sonda Prof.Dr. Hasan Mandal tələbələri təbrik etdi, onlara uğurlar arzuladı. 2. Azərbaycan Türkiyə İş Adamları Birliyi İdarə heyəti sədrinin 1-ci   yardımcısı, cənab Cemal Yangın çıxışında Türkiyə Cumhuriyyətinin Azərbaycan  Respublikasındakı  Fövqəladə və Səlahiyyətli   Səfiri cənab Hulusi Kılıcın  dəstəyi  ilə gerçəkləşən bu layihəyə  ATİB-in də  ilk gündən dəstək olduğu barədə məlumat verərək, ATİB səlahiyyətlisi olaraq bundan sonra da təmsil etdiyi birliyin imkanları daxilində bu layihəyə  hərtərəfli dəstək verəcəyini, yuxarı kurs tələbələrinin öz ixtisasları üzrə istehsalat praktikalarında iştirakına, məzunların türk şirkətlərində  işlə təmin olunmalarına  mümkün köməklik göstəriləcəyini qeyd etdi.Sonda cənab C.Yangın  tələbələri yeni tədris ilinin başlanması münasibətilə təbrik etdi. 3. Valideyn, Milli Elmlər Akademyasının şöbə   müdiri Professor Vaqif    Arzumanlı öz çıxışında tarixi köklərə söykənən Azərbaycan Türkiyə dostluq münasibətləri haqqında geniş məlumat verərək, Azərbaycan gəncləri üçün yaradılmış  bu imkanlara görə Türkiyə Cumhuriyyətinin Azərbaycan Respublikasındakı Fövqəladə və Səlahiyyətli Səfiri, cənab Hülusi Kılıca, ATİB rəhbərliyinə , “Modern Anadolu Eğitim ve Turizm Hizmetleri Sanayi, Ticaret Limited” şirkətinə və şirkətin Azərbaycan Respublikasındakı Nümayəndəliyinin rəbərliyinə  valideynlər adından öz dərin  təşəkkürlərini bildirdi. 4. Valideyn, Reyhan Sultan da çıxışında bu layihənin gerçəkləşdirilməsi və həyata keçirilməsinə görə  valideynlər adından Türkiyə Cumhuriyyətinin Azərbaycanda Fövqəladə və Səlahiyyətli Səfiri, cənab Hulusi Kılıça, Anadolu Universitetinin rektorluğuna, ATİB rəhbərliyinə, öz dərin  təşəkkürlərini bildirdi. 5. Tələbə, Natiq Məmmədov çıxışında Anadolu Universiteti kimi nüfuzlu  bir  təhsil ocağının tələbəsi olmaqdan böyük qürur duyduqlarını, yaradılmış şəraitə görə layihəyə dəstək olan hərkəsə minnətdar olduqlarını bildirdi. N.Məmmədov çıxışının sonunda qeyd etdi ki,  biz tələbələr  bu imkanlardan maksimum  yararlanaraq yüksək bilik almağa çalışacağıq. 6.  Türkiyə Cumhuriyyətinin Azərbaycan  Respublikasındakı  Fövqəladə və  Səlahiyyətli    Səfiri, cənab Hulusi Kılıç dərin məzmumlu çıxışında Azərbaycan-­Türkiyə dostluq münasibətlərinin bütün sahələr üzrə ən yüksək səviyyədə olduğunu və  gündən-günə daha da inkişaf etdiyini qeyd edərək, bu münasibətləri heç kimin poza bilməyəcəyini bildirdi. Cənab Səfir qeyd etdiki, dünyanın 3-cü böyük Universitetinin təhsilinin  Azərbaycana gətirilməsi  layihəsinin  gerçəkləşməsinə dəstək vermiş və bu dəstəyini sonadək davam etdirmək niyyətindədir. Öz çıxışında təhsili hər bir millətin günəşinə bənzədən cənab Səfir, tələbələrə ulu öndərlərin   “ Təhsil millətin gələcəyidir”, “ Təhsil milləti qaranlıqdan aydınlığa çıxardır”  deyimlərini  unutmamağı,  elmi biliklərə sahib olmaq üçün çalışmalarının vacib olduğunu tövsiyə etdi. Çıxışının sonunda cənab səfir, yeni tədris ilinin başlanması münasibətilə bütün tələbələri təbrik etdi, onlara uğurlar arzuladı və  gələcəkdə  Anadolu Universitetinin Azərbaycan proqramları layihəsinin daha da inkişaf etdirilməsinə  hərtərəfli  dəstək göstərəcəyini qeyd etdi. Sonra qəbul imtahanlarında ən yüksək göstərici əldə edən tələbələrə   Türkiyə Cumhuriyyətinin Azərbaycan Respublikasındakı Fövqəladə və Səlahiyyətli Səfiri cənab Hulusi Kılıç, Anadolu Universitetinin rektor  yardımcısı Prof.Dr. Hasan Mandal, ATİB idarə heyətinin sədri xanım Fatimə  Aslan və səfirliyin nümayəndə heyəti tərəfindən tələbə biletləri təqdim olundu. Sonra tədbirin bədii hissəsinə başlandı, -Tələbələr Gülsüm Məcidova və Nicat Kazımov “Bir millət  iki dövlət”  mahnısını ifa etdilər. -Tələbə  Nargilə Bağırova Azərbaycan Türkiyə dostluğuna həsr etdiyi öz   şeirini söylədi. ­-Tələbələr Anadolu Universitetinin “Tələbə marşı”nı  ifa etdilər. Tədbirin yekununda qonaqlar və tələbələr Türkiyə Cumhuriyyətinin  Azərbaycan Respublikasındakı Fövqəladə və Səlahiyyətli Səfiri, cənab  Hulusi Kılıçla xatirə şəkli çəkdirdilər.

#AnadoluÜniversitesi #AzerbaycanProgramları

anadolu-üniversitesi-büyük.jpg

info@anadolu.edu.az

(+994 12) 563 09 09

(+994 12) 563 20 20

(+994 70) 892 07 07 

Bakı şəhəri, 8-ci mkr, İbrahimpaşa Dadaşov küç. 74V.

(Azadlıq metrosunun yaxınlığı)

Sənin Xəyalların, Sənin Gələcəyin, Sənin Universitetin!

info@anadolu.edu.az

(+994 12) 563 09 09

(+994 12) 563 20 20

(+994 70) 892 07 07 

Bakı şəhəri, 8-ci mkr, İbrahimpaşa Dadaşov küç. 74V.

(Azadlıq metrosunun yaxınlığı)

  • Facebook - Белый круг
  • Instagram - Белый круг
  • YouTube - Белый круг
  • Google Play - Белый круг

© 2020 Copyright Anadolu Universiteti Azərbaycan Proqramları