Azərbaycan Dövlət İqtisad Universiteti (UNEC) türk dilində tədrisdə yeni standartlar tətbiq edəcək

Universitetdən AZƏRTAC-a bildirilib ki, bu məqsədlə UNEC ilə Türk Dünyası Araşdırmaları Vəqfi arasında əməkdaşlıq müqaviləsi imzalanıb. UNEC-in rektoru, professor Ədalət Muradov və Türk Dünyası Araşdırmaları Vəqfinin sədri Közhan Yazganın imzaladığı sənəddə türk dilində tədrisin təkmilləşdirilməsi və türkdilli iqtisadçı kadr hazırlığının keyfiyyətinin daha da yüksəldilməsi nəzərdə tutulub.

Müqaviləyə əsasən, yeni tədris ilindən UNEC-də türk dilində tədris proqramları digər fakültələrdə olduğu kimi, Avropa Kredit Transfer Sisteminə uyğun aparılacaq. Bu, tələbələrin mobilliyini təmin etməklə yanaşı, təhsil proqramlarının dövlətlərarası müqayisəsi və tanınması prosedurlarını asanlaşdıracaq. Türk dünyası işlətmə fakültəsi isə türk dünyası iqtisad fakültəsi adlandırılacaq. K.Yazgan fakültənin fəxri dekanı hesab ediləcək.

UNEC-də tələbələrin türk dilində fənləri daha yaxşı mənimsəməsi üçün Yunus Əmrə İnstitutu tərəfindən türk dilində hazırlıq dərsləri təşkil olunacaq. Tədrisə türk dilini mükəmməl bilən, fənnə uyğun ixtisas və təcrübəyə sahib olan müəllimlər cəlb olunacaq.

Universitetə türk dilində maliyyə, iqtisadiyyat və biznesin idarə edilməsi ixtisasları üzrə tələbə qəbulu Azərbaycan Respublikasının qanunvericiliyinə uyğun həyata keçiriləcək. Türkiyə vətəndaşları üçün UNEC-də ali təhsilin əlçatan olması məqsədilə onların təhsil haqları azərbaycanlı tələbələrlə eyni olacaq.

Məzunlara UNEC-in diplomu ilə yanaşı, Türk Dünyası Araşdırmaları Vəqfinin məzun sənədi də veriləcək.

Mənbə: https://azertag.az/xeber/UNEC_de_turk_dilinde_tedrisde_yeni_model-1181811



#AzerbaycanProgramları #AnadoluUniversiteti #AzərbaycanDövlətİqtisadUniversiteti #UNEC #AzerbaycanProqramlari

anadolu-üniversitesi-büyük.jpg

info@anadolu.edu.az

(+994 12) 563 09 09

(+994 12) 563 20 20

(+994 70) 892 07 07 

Bakı şəhəri, 8-ci mkr, İbrahimpaşa Dadaşov küç. 74V.

(Azadlıq metrosunun yaxınlığı)

Sənin Xəyalların, Sənin Gələcəyin, Sənin Universitetin!

info@anadolu.edu.az

(+994 12) 563 09 09

(+994 12) 563 20 20

(+994 70) 892 07 07 

Bakı şəhəri, 8-ci mkr, İbrahimpaşa Dadaşov küç. 74V.

(Azadlıq metrosunun yaxınlığı)

  • Facebook - Белый круг
  • Instagram - Белый круг
  • YouTube - Белый круг
  • Google Play - Белый круг

© 2020 Copyright Anadolu Universiteti Azərbaycan Proqramları