#Yanvar ayının son həftəsində Anadolu Universiteti Azərbaycan Programlarında bir qrup hazırlıq kursu iştirakçıları və tələbələr üçün film nümayiş olunmuşdur. Anadolu Universiteti Azərbaycan Proqramları nümayəndəsi Araz Hətəmzadə və matematik hazırlık kursu hocası İrem Deliduman da film nümayişi tədbirində iştirak etmişdirlər. Araz Hətəmzadə film öncəsi tələbələrə filmin nümayişinin əsas məqsədindən bəhs etmiş və qeyd etmişdir ki , filmin türk dilində seçilməsi tələbələrin türkçə dil bilik səviyyələrinin daha da yüksəlməsinə , həmçinin seçilmiş filmin mövzusuna görə onlarda riyazi bilik və məntiq sahəsinə maraqlarının artmasına böyük təsiri olacaqdır. Daha sonra matematik hazırlık kursu hocası İrem Deliduman izləyicilərə filmin ümumi mövzusu və gedişatından bəhs etmişdir. Tələbələr filmi sona qədər böyük maraqla izləmiş, sonda onlara belə şərait yaradıldığı üçün , Anadolu Universiteti Azərbaycan Programları rəhbərliyinə öz təşəkkürlərini bildirmişdirlər.
