Türkiyə Cümhuriyyətinin Azərbaycandakı Təhsil Müşaviri Mahmut Ağırman Azərbaycan Proqramlarında.

27 Noyabr 2018-ci il tarixində Türkiyə Cümhuriyyətinin Azərbaycandakı Təhsil Müşaviri Mahmut Ağırman və Təhsil Müşavirliyinin katibi Faiq Bayramov Anadolu Universiteti “Azərbaycan Proqramları”nı ziyarət etdi.

Hörmətli qonağı qurumda çalışan əməkdaşlar və distant təhsil alan bir qrup tələbə çiçəklərlə qarşıladılar. Anadolu Universiteti Azərbaycan Proqramları koordinatoru Azər Hətəmov qonağı salamlayaraq, öncə onu distant təhsil alan tələbələrə xidmət göstərilən binada yaradılmış şəraitlə tanış etmiş, burada yaradılmış distant təhsil mühiti, göstərilən xidmətlər, qurumun işçi heyətinin səmərəli işi, maddi-texniki bazanın daim genişlənməkdə olması və digər işlər haqqında Təhsil Müşavirinə ətraflı məlumat verdi. Türkiyə Cümhuriyyətinin Azərbaycandakı Təhsil Müşaviri Türkiyənin Anadolu Universitetinin Azərbaycandakı Açıköğretim sistemi tələbələrinə yaratdığı imkan və şəraitdən məmnunluğunu bildirdi.

Daha sonra görüş dəyirmi masa ətrafında davam etdirilmişdir. Səmimi şəraitdə keçən görüşdə Anadolu Universiteti Azərbaycan Proqramlarının qarşısında duran vəzifələr müzakirə edilmişdir.

Sonda xatirə şəkili çəkdirilmişdir.

#AliTehsil #distanttehsil