"Vizual Ünsiyyət Dizaynı" ("Görsel İletişim Tasarımı") bakalavr Proqramının əsas məqsədi öz sahəsində texniki bilik və bacarıqlara malik olan, dizayn və kommunikasiya vasitələrindən istifadə etməyi bacara bilən, özünü daim inkişaf etdirən, işində yaradıcı ideya və dizaynlar təqdim edə bilən ixtisaslı kadrları hazırlamaqdır. Məzunlarımız reklam agentliklərində, fotostudiyalarda, qəzet və jurnallarda, veb dizayn agentliklərində, elektron ticarət portallarında, elektron-təhsil idarələrində vizual kommunikasiya dizayneri kimi işləyə və ya əldə etdikləri bilik və bacarıqlar sayəsində öz bizneslərini qura bilərlər, həmçinin təhsillərini magistratura və doktorantura səviyyələrində davam etdirə bilərlər.